Kelme
"Meine Räder - meine Hunde - meine Autos"
's is kald drausse un noch ganz frieh,
faschd noch dunkel, weil's schun langsam Herbschd wärd.
De Newwel hängt im Daal un ich frier uff'em Rädl zum Boh'hof.
Uff'em Bohsteich fräschdels die Leit a.
Des Bähnel fahrt naus uff Neistadt un weider die Haardt entlang runner in Rischdung Landau un Winne.
Es wärd heller un die Sunn kitzelt die Schbitz vun de Kalmit.
Bloer Himmel un kä ändie Wolk.
Nur unne am Rhoi hots noch dinne Newwelschwade.
Schnell geschafft un häm.
Uff die Rickfahrd sän ich die dicke Trauwe an de Hängel im Wingert.
Die Maxburg leit schun faschd im Schadde.
Die erschde bunde Blätter im Pälzerwald sieht mer a schun.
Nix mä g'ess un glei nix wie nauss.
's Rädl fahrd faschd vun alländ.
Die Luft bitzelt grad so in de Lung'.
De Buckel enuff un des kläne Pädel wieder nunner.
Die Sunn krawwelt hinner de Eisekehler Kopp.
Um achte brauschd schun faschd e klänie Lamp am Rädl.
E schänie, klänie Schdreck bin isch g'fahre
Morsche fahr isch nochemol - awwer länger.
Kelme - frooch mich net.
faschd noch dunkel, weil's schun langsam Herbschd wärd.
De Newwel hängt im Daal un ich frier uff'em Rädl zum Boh'hof.
Uff'em Bohsteich fräschdels die Leit a.
Des Bähnel fahrt naus uff Neistadt un weider die Haardt entlang runner in Rischdung Landau un Winne.
Es wärd heller un die Sunn kitzelt die Schbitz vun de Kalmit.
Bloer Himmel un kä ändie Wolk.
Nur unne am Rhoi hots noch dinne Newwelschwade.
Schnell geschafft un häm.
Uff die Rickfahrd sän ich die dicke Trauwe an de Hängel im Wingert.
Die Maxburg leit schun faschd im Schadde.
Die erschde bunde Blätter im Pälzerwald sieht mer a schun.
Nix mä g'ess un glei nix wie nauss.
's Rädl fahrd faschd vun alländ.
Die Luft bitzelt grad so in de Lung'.
De Buckel enuff un des kläne Pädel wieder nunner.
Die Sunn krawwelt hinner de Eisekehler Kopp.
Um achte brauschd schun faschd e klänie Lamp am Rädl.
E schänie, klänie Schdreck bin isch g'fahre
Morsche fahr isch nochemol - awwer länger.
Kelme - frooch mich net.
. Aber ich bin gar kein ausschließlicher Hardtailer. Meine Fullyreifen (2,3") sind möglicherweise nicht gaaanz so fett wie deine, aber zum Grüßen reicht's bei mir eigentlich immer.
