Was ist los hier ???

[hamibiker1]

Super Foteli,

I bi wider zrugg us em Calanca. Dört hets e bitzeli mehr Schnee gha und zwar so vill dass meh nit emool het chönne go Schneeschüele.
Die Bildli vom Uni und Blaubär kenni au. Es het mi jetzt grad aagmacht dass i hüt Noomittag au uf dr Sattel hock. I gang derno aber über d`Bürefluhe und Scheematt.

Grües an Baselbieterfraktion und der Rest vo dr Schwiiz
Fc

 

[pat]

heute auf der fräkmüntegg

viele schlittler auf der piste und vier exoten auf bikes auf einem singletrail im wald daneben

gruss pat

nr. 1 der aufstieg (diesen krampf auffahrt zu nennen, wäre übertrieben)

 

[pat]

nr. 2: frisch mit salat und spagetti gefüttert vor der beiz frohen mutes in erwartung der dinge, die da kommen werden

 

[pat]

nr. 3: rock'n'roll im neuschnee (manchmal mehr roll als rock, aber egal, man fällt weich )

 

[pat]

nr. 4: und weiter im takt... ho...hopp, hoch das rad und runter die stufe

 

[pat]

nr. 5: bis zum bitteren (resp. kalten) ende. wo er genau 1 sekunde später lag, lässt sich ja unschwer erkennen.

anstrengend wars, kalt wars, aber geeiiil wars.

gruss pat

 

[stonebite]

hey pat

was Ihr da gemacht habt - ähh, bitte mundart - was dir do gmacht heit isch jo voll fräch, und total abgfahreni sach.

fräkmüntegg

wo mag diä wohl sy? also do verblass i grad vor nyyd, mit däm schönä schnee, hä und ypacke chönnemmer au no grad

verzellet echli, vo däm wahnsinnsritt - der heit jo faschd alli sglych shirt a, syn dr e club oder so? bitte, bitte, bitte verzellet?

es grüessli vom claude

 

[blaubaer]

@ pat das ist momentan glaub nicht zu übertrumpfen vorallem was die schneehöhe zum biken angeht
auf wieviel Hm ist diese Främüntegg oder wo ist dies genau ?

 

[Rockman]

So jetzt bini zrugg vo mine Silveschterferiä, ich wünsch no allnä ä guets Neus und i hoff ihr sind guet grutscht!

Nachdäm ich gseh ha, das do anschienend alli im Schnee gönd go bikä, han is au usprobiert...und i muess sägä geiiiilll!

Do ich jo erscht sit em August bikä, han i au hüt uf mim 20km türli müessä Lehrgeld zahlä!

1. dir müent eim scho säge, das me ä Schuss Schnaps in d'Fläsche due muess, damit S'Isostar nit gfriert
2. Ab und zue han i nach eme Würzeli d'Schneebeschaffeheit direkt am Bode kontrolliert ca. - 2°C....ok, Technik fehlt halt no e bitz aber i bi no in dr Uffbau- und Lernphase (bi aber schnell wieder uffgschtandä, s'chönts jo öbber gseh )

@uni63 ha nüt dr gegä, wenn i vom änä "Fortgschrittene" öbbis chönt lehrä! für ä gmeinsami Ussfahrt bin i scho z'ha (bi aber no kei Profibiker und gegen ä Beizäbsuech nach änäre schöne Scheetour han i au nüt izwända -> eher Pflicht!
so wie ich gseh hets no meh biker vo dr Region, do chönnt me jo wirklich emol a gmeinsami ussfahrt machä (aber easy! )

 

[stonebite]

Hoi Greg

Au i wünsche Dir e guets Neuis Joohr, alli Gsundheit und vill Erfolg bim Bikä

Jetz aber au, gäll sisch geil dussä? Gegä diä vier Zoofiger wo dr @pat derby gsi isch heimer "no" kei Chance , aber das chunnt no

Du der Schnaps nützt nüüt im Wasser mit ISOSTAR, Du fahrsch vill z`gschnäll - das isch es (da gucksch Du auf dem Bild unten)! Do muess jo alles gfriärä
Wetsch nid mol ISOSTAR im Schnaps verdünnä, vellicht g`friärts denn nümmä

Jo do isch ebitz Vorsicht aagseit, jetz wo`s Schnee het, derfür falsch den weich

@uni63 ha nüt dr gegä, wenn i vom änä "Fortgschrittene" öbbis chönt lehrä

Dangge für`s Komplimänt - was trinksch, aber so "Fortgschrittä" bini au noni. I fahre sit bald zweu Joohr und ha letschd Joohr mit em Bike no e Unfall bout Aber unchruut vergooht nit, gäll?
Wägem Tempo - isch`s bi mir sowieso eso, dass i nit schdresse due - i bi nit dr wettkampf Typ, eher der gmietlichi

Jo i würd sägä, machsch mol e Vorschlag wenns Dir eso zem Tüürlä giäng, dur d Wuchä oder au nur am Wuchäänd?

Du erreichsch mit under [email protected]

es Grüessli und bis bald

claude

 

[pat]

@ claude: d fräkmüntegg esch de lozärner husbärg. pilatus. vo kriens goht es bähnli ofd krienseregg (mittelstation) ond denn ufe ofd fräkmüntegg. esch ca. 1'450 m.ü.m. die nänd aber kei bike met ufe. nome schlettler. aso nüt met shuttle, die abfahrt muess me sech verdiene. (ou im sommer).

eigentlech esch de chrampf bärguf scho losgange. ondenoche esch d stross blank gsi. het usgseh wie nome nass, hesch aber müesse ganz süberli fahre, sösch esch s henterrad grad gschleffe. guet före rondi trett z üebe. witer obe besch denn emmer of schnee gfahre. metem trätte esch s henterrad emmer so 2-3 cm im schnee ibroche. zom fahre, wie wenn ei bräms liecht azoge wär. dobe beni vou of de schnore gsi. mer hend satti 2h 40' brucht. im sommer semmer mit de gliche bike scho i weniger als de hälfti vo dere ziit ufegfahre.
dorab semmer denn e chline teil of de schlettelpiste ond denn ab of ne singletrail. das of dene föteli obe esch im oberste teil (mer gsehts am schnee ). das esch einigermasse asprochsvoll zom fahre gsi, esch aber scho gange, wöus gnueg steil esch. de loufts ou im tüüfe schnee vorwärts. nochhär semmer de weder es stöcki ofd schlettelpiste usgweche, wöu de trail z wenig steil gsi esch ond im schnee besch steckeblebe. witer onde, wo de schnee nor no 5-10 cm höch gsi esch, esch de rechtig post ab. greffige schnee, ned iis, do chasch fascht fahre wie im sommer.

wägem gliche shirt, jo mer send e club. a de schwiizer dh-renne wersch jeweils einige vo dene shirts am start gse.

üsi päitsch (met gallery ond allerlei sösch): http://www.zzc.ch/fat

keep on rockin'

gruess pädu

ps: ech ha no nes paar föteli meh is --> fotoalbum --> lokalforum --> schweiz, gstellt.

pps: en isolierte schluch am camelbag esch ke seich, bsonders s väntil gfrürt schnäll i. ond im tüfe schnee fahrsch gschider met bäretatze, d plättli a de schueh veriise ständig, do chonnsch e nöme id klickies ine.

 

[blaubaer]

Original geschrieben von pat
. pps: en isolierte schluch am camelbag esch ke seich, bsonders s väntil gfrürt schnäll i. ond im tüfe schnee fahrsch gschider met bäretatze, d plättli a de schueh veriise ständig, do chonnsch e nöme id klickies ine.

oder nach em trinke amigs dr schluch echli nach obe hebe, dass dr inhalt zrug lauft

bi de pedal fahr ich Time Z do hesch, im tiefschte winter bi schnee und iis und am summer bim gröschte schlamm, keini problem zum dricho