was brauchen wir?
zerscht seilbahn aus tragseil mit schlitten:
1x stahlseil ca. 50m
2x spanngurt mit ratsche
4-6 seilrollen
1-2 aluprofile für den schlitten für die kamera.
gibts alles im baumarkt - i schätz für 30 euro.
die kamera mach ma mit ner 1/8"-schraube (wie für normale stative - gibts beim zacharias) am schlitten fest und sie bekommt am schlitten a position schee weit unten. dann wackelts net oder nur wenig. evtl brauchts no a dumms gwicht dazua.
so, nu rutscht der schlitten volle rotze den berg nunter. des is natürlich nix.
oiso mach ma zwischen de rollen am schlitten noch a kunststoffbremsbacke oder ähnliches rein, die sich am seil leicht andrückt.
konn ma ois schraum - koa problem. da lang a säg, a feiln, a akkuschrauber mit bohrer. und a paar oide schraum und muttern.
etza bewegt sich die kamera vo alloa ganimma. is a nix.
mia brauch ma no a zug seil. konn a drachnschnua sei. so mir nix dir nix konn ma do aba net o ziagn, sunst ruckelt des ja wie sau.
des zugseil werd mit na rolln parallel zum tragseil gführt.
a gleich mäßiger antrieb muss her, der ungefähr so schnell geht wie oana mit dem bike fahrt. und was nehma da?
richtig - a bike.
bike auf den kopf stellen, hinterreifen runter und hinterradl als seilwinde benutzen. FERIG - BINGO!
na, da steht doch weitern low-budget-filmen nix mehr im weg. brauchts bloß no an guten filmer, gscheits licht und a paar leut die bock ham da a weng freizeit zu verblödln. i fahr lieber
s'nexte mal bastln wir uns an wurschtblinker fürs bike aus bierdosen.
aus dem do-it-yourself-kellerstudio euer bastlwastl